Wq/tn/Margaret Wild

Margaret Wild

Margaret Wild (yo o tshotsweng ka ngwaga wa 1948) ke mokwadi wa dibuka tsa bana wa kwa Australia. O kwadile dibuka di feta masome a mane tsa bana. Tiro ya gagwe e gatisitswe lefatshe ka bophara mme e fentse dietsele di le mmalwa. O ne a neelwa Seetsele sa Phitlhelelo ya Botshelo Jotlhe ke Lekgotla la Dibuka tsa Bana la Australia ka ngwaga wa 2022.

Dikinolo

• "Ke rata go kwala dibuka tsa ditshwantsho. Fa ke bona mogare wa kgopolo e ntšha, ke utlwa ke roroma go sekae ka ntlha ya go lebelela pele kgotsa go lemoga. Ga ke dire sepe ka bonako ka kgopolo eo. Ke e boloka fela koo kwa morago ga tlhaloganyo yame mme ke akanya ka yone gangwe le gape mme ke e tlogele e ‘titiele’, ka dinako tse dingwe ke kwala dikarolo tsa kgang. Fa ke setse ke na le kgang yotlhe mo tlhogong y me – ke tlhoka go itse gore e simolola jang le gore e felela jang – ke nna fa fatshe mo khomphuteng yame ke bo ke kwala sekwalwa sa ntlha. Morago ga moo ke nna ke kwala gape – terafote morago ga terafote – go fitlha ke ikutlwa e le molemo ka moo nka kgonang ka teng, e leng se gantsi se sa batleng go lekana."
  • Margaret Wild, Kids' Book Review, Interview: Margaret Wild (kids-bookreview.com) (Saturday, 30 April 2011)
• "Tota, dira fela. Batho ba le bantsi ba ke buang le bone ba re ba batla go kwala kgotsa go tshwantsha, mme tota ga ba ise ba fetse sepe. E kwale, o e romele kwa mogatising mme fa o ntse o letetse karabo, tswelela ka kgang e e latelang. Ikemisetse le go itshoka, amogela go ganwa le go tshwaiwa phoso. Mogatisi le morulaganyi ba teng go go thusa go dira buka e e gaisang e e kgonegang."
  • Margaret Wild, Kids' Book Review, Interview: Margaret Wild (kids-bookreview.com) (Saturday, 30 April 2011)
• "Ke badile golo gongwe gore tse tsotlhe -batho, diphologolo, dithaba, dinoka -ke Modimo a lora fela. Ke eletsa e kete a ka tsoga."
  • Margaret Wild, Jinx,2003